TIATAU - TA’U PUPU : O PORINETIA !

Te mau opuara’a faufa’a rahi a Béatrice

2007-05-08T13:02:00.000-07:00

Te mau opuara’a faufa’a rahi a Béatrice

« Fa’atupu te Autonomie api » : Fa’a’au maite te ohipa amui i rotopu te fenua, te mau oire e te hau repupirita, o te reira te niu o ta’u mau ha’ara’a.

• Tuatapapa amui te parau fa’a’au no te ha’amahiera’a i rotopu ia Farani e ia Porinetia, ia manuia te mau mana api o te mau oire.

• Ha’amana i roto i te papa ture fenua no Porinetia te tomite ta’amotu, e ha’amau te tatuha’ara’a o te mau oire (mataieina’a) no Tahiti.

• Ha’amau te hoe pu ha’apa’arira’a no te mau tia aratai o te mau pu ohipa fenua : te oire, te fenua, te hau.

• Ha’amau te hoe pu hi’opoara’a no te ha’api’ira’a ia manuia te mau tamarii.

• Imi te ravea ia noa’a mai te tahi pahonora’a papu i nia i te parau no te ohipa fenua e te mau fa’aturera’a no te feia tei tapeahia ia maitai to ratou orara’a ia hope ta ratou utua.

• Ha’afaufa’a te natira’a e vai nei i rotopu te fenua Farani e te mau pae fenua aihuarâ’au na roto i te mau ha’apiira’a i te pae no te ea, te heipuni, te mau rito, te nohora’a, e te ohipa totiare.

I te 2 e te 16 no tiunu : A ma’iti ana’e ia Béatrice, to tatou Tepute.

TE TAPURA OHIPA 2002 - 2007

2007-05-08T12:59:00.000-07:00

TE TAPURA OHIPA 2002 - 2007

Ua tauto’o Beatrice no Porinetia i roto
i te mau ha’amaitaira’a i muri nei.

Te pae no te Papa ture :
2003 Na na irava 72 e 74 o te papa ture nui e paruru te «autonomie» a Porinetia.

I te pae imira’a faufa’a :
Ha’amâmâ te tute i nia te mau patura’a rarahi e ha’àmau te fa’anahora’à no te mau titeti manureva no te mau piahi, te feia ma’i, (oia hoi te continuité territoriale).

I te pae no te ohipa totiare :
Apiti i roto te mau tuapapara’a no te mau ture api no te fa’àta’à’era’à o na apiti, te parau tutuu, te tià’aura’a ta’ata, te fa’apira’à te ture i nia i te afaitora’a o te tane e te vahine. Na Beatrice i ha’amau te rurura’a o te mau piahi ato’a no te mau pae fenua Farani na te ara (aihu’arâ’au). Mai reira mai â, ua naho te aufaura’a moni pute, e ua ohie to ratou mau nohora’a.

I te pae no te fare ha’avara’a :
Ua ani oia ia ha’amaitaihia te parau no te arai te feia api i mua i te mau ohipa iino, te fa’anahonahora’a o te fare tape’ara’a, te parau no te paruru afata veve e te ohipa fenua.

Eaha TIATAU

2007-05-08T12:55:00.000-07:00

Eaha TIATAU
TIATAU e nanatira’a mana’o no te turu ia Béatrice Vernaudon i te ma’itira’a Tepute i te 2 et 16 no tiunu 2007. TIATAU E opuara’a amui no te patu ia Porinetia ei niu hoe, ruperupe e te autaeae. E feia tei faarii i te amo i ta ratou hopoi’a ma te fa’a’ohipa i to ratou tiaturi i te Hau Repupirita.

Eaha te Tepute ?
E ti’a ma’itihia e te huira’atira paato’a, i roto i te Apo’ora’a Iriti ture i te Hau Farani, no te roara’a e 5 matahiti. I Porinetia nei e ma’itihia 1 tepute i roto i na tuha’a e piti (Too’a-o-te-Râ, e Hitia’a-o te râ).

Tâ na ohipa ?
• Fa’à’ineine, tuatapapa, e ma’iti te mau ture i roto i te Fare apo’ora’a iriti-ture a te Hau Repupirita
• Ma’iti te tapura faufa’à a te Hau Repupirita
• Hi’opo’a te arata’ira’à ohipa a te fa’àterera’à hau nui.

E taûra firi nape te Tepute i rotopu ia Porinetia e ia Farani :
• I Paris e paruru oia ia Porinetia
• I Porinetia, o oia te tia no te Hau Repupirita e nâ na e paruru te
faufà’a no te tiara’à manahune e Repupirita o te ta’ata tata’itahi.

RURURA'A

2007-05-07T19:51:00.000-07:00

E hoa here ma,

Ma te apitihia e to’na mau hoa no « Tiatau » e haere atu Béatrice VERNAUDON io outou, no te vauvau i tana tapura ohipa no teie maitiraa Tepute 2007 – 2012 mai te au i te tapura mahana i muri nei.

A haere rahi mai i te hora 19 h 30, te tiai nei au ia outou.

COMMUNES
PAPARA LUN 07 MAI
ARUE MAR 08 MAI
MATAIEA MER O9 MAI
MAHINAJEU 10 MAI
PAPEARI VEN 11 MAI
PAPENOO SAM 12 MAI
TEAHUPOO DIM 13 MAI
TIAREI LUN 14 MAI
VAIRAO MAR 15 MAI
MAHAENA MER 16 MAI
TOAHOTU JEU 17 MAI
HITIAA VEN 18 MAI
TAITIRA SAM 19 MAI
FAAONE LUN 28 MAI
TARAVAO/AFAAHITI MAR 29 MAI
PUEU MER 30 MAI
PIRAE JEU 31 MAI

PORINETIA

2007-03-19T13:45:00.000-07:00

TA’U PUPU : O PORINETIA,

PORINETIA TO’Ù TIATURIRAA !

HAERE MAI I TIATAU

FARE TIATAU
Rue Gaspard Coppenrath

Fautaua (face à la salle de Judo) Pirae

B.P. 50 065 – 98 716 Pirae

niu niu : 83 27 66 - Fax : 82 98 80

e-mail : faretiatau@gmail.com

Blog : http://vernaudon2007.over-blog.net/

(Inscrivez-vous à la newsletter - Laissez-nous vos commentaires)

TIATAU

2007-03-19T13:43:00.000-07:00

Porinetia natiraa no te rohi amui, Porinetia no te faa’ohipa to hiro’a-tumu e ta ‘oe peu no te huti te « ‘ie fana », ia fano e ia tipae tatou i te hoe ananahi api, no tatou, e na roto ia tatou :

O TIATAU ÏA !

TIATAU : nanatiraa manao no te turu ia Beatrice Vernaudon i te hororaa Tepute, no te haa amui e no te haamau papu te hoe faatereraa au-maitai i Porinetia , o te niuhia i nia i te aratairaa tura e te faanahoraa tano o te haafaufaa te tiaraa o te taata e te imiraa faufaa o to tatou ai’a.

E te feia ma’iti no te tuha’a piti

2007-03-19T13:37:00.000-07:00

E te feia ma’iti no te tuha’a piti
(i te pae Hitiaa o te Ra mai Pirae haere roa i Papara.
To te Fenua Enana, to te Tuamotu, to Maareva)

A rohi amui ana’e tatou e te Hau Nui no te patu e te ha’amahie hoe Porinetia ruperupe, ite i te tufa i te aroha ma te faarii i te amo i tana iho hopoi’a.

I te mahana ma’a 2 e te 16 no Tiunu,

te tiaturi nei au ia outou !

Ma’iti ana’e ia Béatrice

Anaa, Arue, Aruta, Fakarava, Fangatau, Fatu-Hiva, Gambier, Hao, Hikueru, Hitia O Te Ra, Hiva Oa, Mahina, Makemo, Manihi, Napuka, Nuku-Hiva, Nukutavake, Papara, Pirae, Puka Puka, Rangiroa, Reao, Tahuata, Taiarapu-Est, Taiarapu-Ouest, Takaroa, Tatakoto, Teva-I-Uta, Tureia, Ua-Huka, Ua-Pou.